Cofnodion cryno - Y Pwyllgor Deisebau

Lleoliad:

Dyddiad: Dydd Llun, 21 Tachwedd 2022

Amser: 14.00 - 14.31
Gellir gwylio’r cyfarfod ar Senedd TV yn:
http://senedd.tv/cy/13042

Yn bresennol

 

<AI1>

1       Cyflwyniad, ymddiheuriadau, dirprwyon a datgan buddiannau

Croesawodd y Cadeirydd yr Aelodau i’r cyfarfod.

 

Cafwyd ymddiheuriadau oddi wrth Buffy Williams AS a Rhys ab Owen AS.

 

Roedd Rhiannon Passmore AS yn dirprwyo ar ran Buffy Williams AS.

 

 

</AI1>

<AI2>

2       Deisebau newydd

 

</AI2>

<AI3>

2.1   P-06-1287 Rhaid ymchwilio i benderfyniad Bwrdd Iechyd Prifysgol Caerdydd a'r Fro i gau'r feddygfa yng ngogledd Penarth a symud cleifion i feddygon teulu sydd ymhell i ffwrdd

Trafododd y Pwyllgor y ddeiseb a chytunodd i ysgrifennu at:

 

• Gyngor Iechyd Cymuned De Morgannwg i weld beth mae eu gwaith monitro o ran profiad y claf wedi'i ddatgelu; a
• Bwrdd Iechyd Prifysgol Caerdydd a'r Fro, yn gofyn pa gamau maen nhw wedi'u cymryd i leihau'r straen ar bractisau yn yr ardal, a'r cynlluniau ar gyfer canolfan iechyd newydd yn Cogan yn y dyfodol.

 

</AI3>

<AI4>

2.2   P-06-1297 Dod â "llosgi dan reolaeth" i ben yng Nghymru

Trafododd y Pwyllgor y ddeiseb a chytunodd i ysgrifennu at y Gymdeithas Frenhinol er Gwarchod Adar i ofyn am eu barn ynghylch a oes angen caniatáu rhywfaint o amser ar gyfer llosgi o dan reolaeth, ac a yw'r amser a nodwyd ar gyfer gwneud hynny yn briodol.

 

</AI4>

<AI5>

2.3   P-06-1304 Adolygu'r polisi tai dros dro mewn argyfwng sy'n effeithio ar ein cymunedau

Trafododd y Pwyllgor y ddeiseb a chytunodd i:

• dynnu sylw’r Pwyllgor Llywodraeth Leol a Thai at y ddeiseb am ei fod yn cynnal ymchwiliad i ddigartrefedd yng Nghymru ar hyn o bryd.
• aros am ganlyniad yr ymchwiliad ac ymateb Llywodraeth Cymru iddo; ac
• ysgrifennu at yr Heddlu lleol a gofyn a ydynt yn ymwybodol o'r materion.

 

</AI5>

<AI6>

3       Y wybodaeth ddiweddaraf am ddeisebau blaenorol

</AI6>

<AI7>

3.1   P-05-1112 Helpwch gymunedau yng Nghymru i brynu asedau cymunedol: Gweithredwch Ran 5, Pennod 3 o Ddeddf Lleoliaeth 2011

Trafododd y Pwyllgor y ddeiseb a chytunodd i aros am ymateb Llywodraeth Cymru i adroddiad y Pwyllgor Llywodraeth Leol a Thai ar Asedau Cymunedol, ac i dynnu sylw at y ddeiseb yn y ddadl yn y Cyfarfod Llawn y disgwylir iddi gael ei chynnal yn gynnar yn 2023.

 

</AI7>

<AI8>

3.2   P-06-1212 Cyfraith Mark Allen – rydym ni am weld gorsafoedd cortyn taflu o amgylch pob safle dŵr agored yng Nghymru

Trafododd y Pwyllgor y ddeiseb a llongyfarchodd y deisebydd Leanne Bartley, teulu Mark a phawb sydd wedi ymgyrchu’n ddiflino i godi ymwybyddiaeth a gwella diogelwch dŵr.  Diolchodd y Cadeirydd i'r rhai a gyfrannodd at yr ymchwiliad i helpu i atal pobl eraill rhag profi colled drasig o'r fath.

 

Cydnabu’r Pwyllgor y cyd-destun ehangach a’r gwaith sy’n digwydd o ran gweithgareddau antur, a chroesawodd y Cadeirydd y gwahoddiad i fod yn bresennol mewn cyfarfod o’r Grŵp Trawsbleidiol ar y sector Gweithgareddau Awyr Agored yng Nghymru yn y dyfodol.

 

Cynhelir dadl yn y Cyfarfod Llawn ar 7 Rhagfyr a bydd y Pwyllgor yn dychwelyd i ystyried y ddeiseb ar ôl hyn.

 

</AI8>

<AI9>

3.3   P-06-1240 Gwella gwasanaethau iechyd i bobl ag epilepsi sy'n byw yng Nghymru

Nododd y Pwyllgor yr ymateb gan Fwrdd Iechyd Prifysgol Hywel Dda a chytunodd i drafod y ddeiseb eto pan ddaw ymateb gan Lywodraeth Cymru i adroddiad y mudiad Epilepsy Action Cymru.

 

</AI9>

<AI10>

3.4   P-06-1235 Dylid sicrhau darpariaeth briodol o wasanaethau a chefnogaeth i bobl yng Nghymru sydd wedi cael niwed i'r ymennydd

Trafododd y Pwyllgor y ddeiseb a chytunodd i ysgrifennu'n ôl at y Gweinidog i gyfleu sylwadau'r deisebydd, gan gynnwys y cais am gydweithio parhaus i wella gwasanaethau yn y dyfodol ar gyfer cleifion sydd wedi cael niwed i’r ymennydd.

 

Wrth wneud hynny, cytunodd y Pwyllgor i gau’r ddeiseb, gan ddiolch i’r deisebwyr am amlygu’r mater pwysig hwn.

 

</AI10>

<AI11>

3.5   P-06-1273 Lleihau amseroedd aros am ambiwlansys ac mewn adrannau Damweiniau ac Achosion Brys yn ddirfawr

Trafododd y Pwyllgor y ddeiseb ac oherwydd yr ymchwiliad manwl a'r adroddiad a gyhoeddwyd yn ddiweddar gan y Pwyllgor Iechyd a Gofal Cymdeithasol a bod Llywodraeth Cymru wedi derbyn yr holl argymhellion mewn egwyddor, cytunodd yr Aelodau fod llawer o'r materion a godwyd yn y ddeiseb a'r sylwadau dilynol wedi'u nodi a chael sylw. Felly cytunodd y Pwyllgor i gau’r ddeiseb, gan ddiolch i’r deisebydd am godi’r mater pwysig hwn.

 

Wrth wneud hynny, cytunodd y Pwyllgor i dynnu sylw'r deisebydd at ymchwiliad y Pwyllgor Iechyd a Gofal Cymdeithasol.

</AI11>

<AI12>

4       Cynnig o dan Reol Sefydlog 17.42 (ix) i benderfynu gwahardd y cyhoedd o weddill y cyfarfod.

Derbyniwyd y cynnig.

 

</AI12>

<AI13>

5       Deiseb y Flwyddyn

Trafododd y Pwyllgor y gwaith a wnaed yn ddiweddar ar Ddeiseb y flwyddyn.

 

</AI13>

<AI14>

6       Papur cwmpasu ar waith y dyfodol

Bu'r Pwyllgor yn ystyried papur cwmpasu ar waith y gallai'r Pwyllgor ei wneud yn y dyfodol.

 

 

</AI14>

<TRAILER_SECTION>

</TRAILER_SECTION>

<LAYOUT_SECTION>

1.          FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.          FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

 

<SUBNUMBER_LAYOUT_SECTION>

2.1          FIELD_TITLE

FIELD_SUMMARY

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2.2          FIELD_TITLE

</TITLE_ONLY_SUBNUMBER_LAYOUT_SECTION>